Spintires Semi-Review [CH]

Sali zäme

Nach langem "ja es reitzt mi eigentli scho aber es choschtet immerna 30€" het mer de Stealth das game entli ghollt und mer hend's scho mal es wiili zockt. Wieso dass de Post ned uf englisch isch? Kein plan, so hets de Stealth welle :)




Mal als erschtes, meh als es vollständigs Spiel isch es eher e sehr guet umgsetzti Techdemo, wo vor allem Havok wieder mal zeigt was es druff het, mit verschideni Ziel zum erfülle und das ganze na mit Co-op Modus.

Mer hend mal die ersti Map glade und üs wird gseit dass mer vo üsre Basis nach A fahre müend, d'Ladig abhole um die denn zu B z'fahre. Zur verfüegig stönd eus Transportlastwäge, en Tanker und es Utilityfahrzüg um eus z'repariere. Das ganze tönt ziemli unspektakulär, jedoch mueses i dem spiel die letschte drü Jahre gregnet ha, weil absolut alles isch Schlamm.

Nei, das Add-on hemmer leider nanig

Ziellos und suscht scho desorientiert sind mir mal generell nördllich losgfahre, und es isch natürli kei zwei Minute gange bis ich mich natürlich überschetze und stecke blib. Steeeeeeeeeeeeaalth!


Mer muen sege, die Schlamm, Wasser und Fahrzüg Physik i dem game sind betrachtlich guet und, obwohl natürli das alles chli übertribe isch, fühlt sich das Handling sehr realistisch ah. Wenn du zum Bispiel in Fluss fahrsch wirsch sogar vo de Strömig mitzoge.


Nachdem mer chli Seich gmacht hend hemmer üs vorgnoh mal die Mission z'mache, aber i has natürli wieder mal gschafft stecke z'bliibe. Steeeeeeeeeeeeaalth!


So, jetzt isch aber fertig lustig. Mer hend en Arbeit z'erledige, suscht gits kei Lasagne hüt Abig. Das gaht au für dini Fründin Stealth, sie söll wenigstens chli moralischi Unterstützig geh. Chauf der es Chinderbecki und fülls mit Schlamm ( ͡° ͜ʖ ͡°). Nei Spass zur Siite, wiiter gahts. LOS! SCHAFFE!

Fucking Ace Team
Bevor d'arbeit erledigt isch gsi het aber de Stealth denkt er wet jetzt doch Lasagne aso hemmer üsi Lastwäge mal parkiert. So viel zum hüttige post. Danke für's Game alte, macht na Laune. Mer gseht sich im Schlamm Simulator 2015!

Cheers

DHR_000x

Comments

Popular posts from this blog

Strategy [Rocket League]

AS Val Review [Battlefield 4]

Project 90 [FN P90]